Mononoke, Santa Barbara

Beroa eta eguzkiarekin batera Harrikarteko lepoa kotxe eta furgonaz betetzen hasi da.
Badatoz eskalatzaileak!! Negu parteko arratsalde lasaiak bukatu dira, diote ondoko ardi eta behiak.
Pasa den udazkenean ekipatutako dide berria probatu dugu, Mononoke. Txindasvintoren eskerretara dago eta bere ezaugarri batzuk ere baditu, harri zuri zertxobat labainkorra. Gradoa 6a ingurukoa, ea probatzen dugun arabera finkatzen dugun.
Beste berria, niretzako garrantzi handikoa!! Jordi Me Caes Gordo berrekipatu da kimikoekin, eta bigarren seguru deserosoa eskura dago orain. Goiko partean desplomera zuzen sartzea dago, bariante txiki batetik, bi aukerak ekipatuta daude. Orain lasai asko esan dezakegu, Jordi Ya No Me Caes Tan Gordo!!

Bideak kimikoekin ekipatu dituzte C.V.C. eskalada sailekoak.

Azken Anarkista, Amasola

Amasolako Azken Anarkista bidean bilgune berria jarri dute. Lehen Koroaz Kokoterainoren deskuelgera jarraitu behar zen eskubira. Bi kimiko dira eta ordu erdi batean lehortzen omen den erretxina erabili dute, hau da aurrerapena!! ez da bi egun itxaron behar anklajeak erabiltzeko.

Krokisetan Azken Anarkista bidea A2 bezala agertzen da eta dagoeneko liberatua dago, 6b/+ gutxi gora behera. Bidea ez dago ekipatua eta 35 metrotan bi hiltze eta harkaitz zubitxo bat besterik ez dago.

ARTAZKONE Bide berria Santan

Bide berria dugu Santan, eta ez nolanahikoa, bostgarren gradukoa.
Kontuz ibili behar da harri askeren bat edo beste dagoelako. Batez ere argi ibili behar du behean aseguratzen dagoena. Deskuelgea ezkerretara dagoen Tximenea bidearen bera da.
Bidea kimikoekin ekipatu dute C.V.C. eskalada sailekoak.

AMASOLA berritze lanak

Hormaren erdialdean dauden bideen berrekipazioari ekin zaio azkeneko egunetan. Lau bidetan kimikoak jarri dira, Olatz, Xirimiri, Lurra ta Askatasuna eta Ardi Beltza, dagoeneko hamaika bide dira horrela ekipatuta. Bestalde bia batzuetan eta hormaren azpialdean sasi mozketari ekin zaio erosoago ibiltzeko.

 

Ardi Beltza bidean...

... Lurra ta Askatasunaren goiko plakan lanean