2012-11-22

Sobron Tepui sektorean bide berriak

Haize berriak datoz hegoaldetik!
Sobron eskalada eskolako bideak ekipatuta daude kirol eskalada seguru eta kalitatekoa egiteko moduan. Orain berriz erdi-ekipatutako bideei buruzko notizia etorri zaigu, bide hauek Tepui sektoreko eskubialdean aurkitzen dira. Oraindik ez ditugu probatu bainan ezinhobeak dirudite katxarreatzeko, pasabide batzuetan paraboltak aurkitzen dira.
Bilguneak ekipatuak daude jaisteko.


Eskerrikasko Gorri

2012-11-15

Zaharberritze lanak

Club Vasco de Camping taldeko eskalada sailekoek zaharberritze lanetan ibili dira San Markos eta Santa Barbaran.
San Markosen deskuelgeko bi mosketoi eta zortzi txapa aldatu dituzte, Santan berriz, zortzi deskuelge kendu eta inox. berriak jarri dira.







Esker mila CVC eskalada sailari

2012-06-16

Santako pankarta


Santa Barbaran jarrita zegoen parkarta kendu egin da. Azken astean beheko zatia erori zen eta goiko partea desmontatu eta jaitsi egin da arriskua ekiditeko. Pankarta hormara kateatzeko zeuden parabolt luze batzuek oraindik bertan gelditu dira eta arriskutsuak dira ondoko bide batetik eroriezkero. Pentsatzen dut laister kenduko direla.

2012-05-30

El Gozo en un Pozo

Bide berria dugu Santa Barbaran 25 metrokoa.  Mikukiren ezkerretara huntza garbitu eta gero Urkok marraztu du bide hau. Goi parteko desplomeak "bloke" paso gogorra du. Zailtasuna oraingoz gutxigoraberakoa da.
Ondoan dagoen Yogui Errante bideak ere aurpegi garbiketa eduki du bereziki goi partean. Belarra pixka bat kendu eta gero berrekipatzeari ekin zaio kimikoekin. Beheko partean pixka bat urruti gelditzen zen 3. txapa baino lehen quimiko bat sartu da. Goiko deskuelgea mosketoirik gabe dago, bainan laister jarriko zaio.


Bideak quimikoekin ekipatu dira Club Vasco de Camping eskalada saileko langutzarekin.

2012-05-06

Picos de Europako eskalada gidak


Orain dela hiru urte atera zen Angel Berngoetxea eta Miguel Rodriguezen ESCALADA EN ROCA EN LOS PICOS DE EUROPA gida liburua. Bertan betiko bide klasiko eta bide berrien arteko nahasketa agertzen zaigu marrazki edo krokis ederrekin. Eskalada eremu berrietan "eskalada garbia" da nagusi, "Clean climb" filosofia mantentzen da Picosen, ahal den neurrian bideak gartbiak utzi seguru finkorik gabe.
Aize berriak datoz bainan betiko norabidetik, Europako Karaitzean konpromisoa eta kalitatea. 
1980ean  berriz Miguel A. Adrados eta Jeronimo Lópezek LOS PICOS DE EUROPA -guía de los tres macizos- gida liburua plazaratu zuten. Edizioa ezen handia izan eta laster agortu zen liburudendetik. Gaur egun iha museo pieza bat da eta copyright arazorik ez duelakoan zure esku jarri nahi dugu.

LOS PICOS DE EUROPA  Guía de los tres macizos 
MIGUEL A. ADRADOS - JERÓNIMO LOPEZ 1980
 51,2 MB





2012-04-14

Adarran climbing

Adarra gailurrondoko harkaitzetan bide batzuk ekipatu dira, ferrata eta guzti. Ederra aitzakia goizpasa bat egiteko paraje eder honetan.
Mezu hau jaso dugu informazioa emanez.
"Adarran bia txiki eta errez batzu ireki dutugu, eta pentsatu degu agian interesatzen zaizkizula. Biak ia tontorren daude; zuzen igota, goiko "bailaratxoa" baino lehen, ezkerreko arkaitzetan. Ah! kresterioko bia via ferrata bat da. Biamai eta Adarraitz bietan, hobeto da bigarrengoari goitik aseguratzea eta gero rapelatzea, sokak goran rozatzen bait du."






Eskerrikasko Antton ekipatze lana eta informaziorengatik

2012-03-19

SOBRON Tepui sektore berria

Sektore berri bat zabaldu da Sobroneko eskalada eremuan. Gure laguna den Gorri nekaezinak, jo ta su bapatean Sobroneko horma bateri, artistaren moduan, paregabeko marrak margotu dizkio. Berak dion bezala "setogradoari" omenaldi paregabea. Bideak oraindik iha ikutugabe daude, harkaitza goiko plakan Thagia bezain mingarria da, hatzpuntak bero-bero utziko dizkiguna. Hitz gutxitan esan da, Gorriren arte lan ederera, eskerrikasko!!

Tepui sektorea, parez-pare dago Museo del Agua sektorearekin. Ekialdera du bere orientazioa eta Museo del Agua sektorearen osagarri oso ona da, batean eguzkia badago bestean itzala eta alderantziz. Urbilketa ere oso motza da, 10 minutu. Sobroneko beste sektoreetan bezala eskalada oso teknikoa da. Laster, bide berri baten informazioa eskuratuko dugu.

 Kontuz harriekin !! 
Bide berriak dira eta kaskoa erabili !!



2012-03-02

Totem Trek, Amasolan

Leitzaraneko Amasola harkaitzak ezin hobeak dira eskalada garbia egiteko. Bertan marra ederrak daude katxarreatzeko eta zailtasun nahiko eskurragarrian.
Beheko aldean Leitzaran bidearen ezkerretara hormak bere nortasuna galtzen du bainan, harkaitzaren kalitatea sasiaren gainetik nabarmentzen da.
Egindako marrak ez du jarraipen handirik erlaitzak topatzen dituelako bidean. Bi luzeetan zatituta dago sokatira gehiegi ez egiteko eta bigarren sokaldiaren hastapenean kokatzen den pitzadura osotasunean gozatzeko. Esan beharrik ez dago bidean ez dagoela seguru finkorik Leitzaran bidearen bilgunera iritsi arte.
Materiala: Fisuak, Totem jokoa eta kamalot urdin eta horia.


2012-02-29

Mononoke, Santa Barbara

Beroa eta eguzkiarekin batera Harrikarteko lepoa kotxe eta furgonaz betetzen hasi da.
Badatoz eskalatzaileak!! Negu parteko arratsalde lasaiak bukatu dira, diote ondoko ardi eta behiak.
Pasa den udazkenean ekipatutako dide berria probatu dugu, Mononoke. Txindasvintoren eskerretara dago eta bere ezaugarri batzuk ere baditu, harri zuri zertxobat labainkorra. Gradoa 6a ingurukoa, ea probatzen dugun arabera finkatzen dugun.
Beste berria, niretzako garrantzi handikoa!! Jordi Me Caes Gordo berrekipatu da kimikoekin, eta bigarren seguru deserosoa eskura dago orain. Goiko partean desplomera zuzen sartzea dago, bariante txiki batetik, bi aukerak ekipatuta daude. Orain lasai asko esan dezakegu, Jordi Ya No Me Caes Tan Gordo!!

Bideak kimikoekin ekipatu dituzte C.V.C. eskalada sailekoak.

2012-01-11

Azken Anarkista, Amasola

Amasolako Azken Anarkista bidean bilgune berria jarri dute. Lehen Koroaz Kokoterainoren deskuelgera jarraitu behar zen eskubira. Bi kimiko dira eta ordu erdi batean lehortzen omen den erretxina erabili dute, hau da aurrerapena!! ez da bi egun itxaron behar anklajeak erabiltzeko.

Krokisetan Azken Anarkista bidea A2 bezala agertzen da eta dagoeneko liberatua dago, 6b/+ gutxi gora behera. Bidea ez dago ekipatua eta 35 metrotan bi hiltze eta harkaitz zubitxo bat besterik ez dago.